Kumpulan Contoh Mc Bahasa Madura

Assalamualaikum warahmatullahi wabarakatuh

(mukaddimah)

·      Se badan kaule molja’agi pengasuh pondok pesantren Raudhatut Thalibin enggi ka’dhinto KH. Drs. Abd. Matin Hanafi,

·      Ketua sareng sadaja pengurus yayasan ponduk pesantren Raudhatut Thalibin,

·      Bapak Kepala Madrasah Tsanawiyah Raudhatut Thalibin,

·      Bhapa’-ebu tor sadaja para rabu se badan kaule molja’agi.

Pamator kabidan, ngereng badan kaule sareng para rabu sadaja sami-sami ta’ pegga’ kaangguy ngonjugagi poji sokkor Alhamdulillah monggu dha’ ajunan epon Allah s.w.t se ka’ dhimma kantos saat mangken badan kaule sareng para rabu sadaja kengeng pan-saponapan rahmat tor barokah epon saengga kantos saat mangken jugan kengenga kasehadan tor kasempadan kaangguy rabu dhalem gin-panggin lerres e are mangken; satto tanggal 21 desember 2013 Masehi otabe epon 17 Syafar 1435 Hijriah dhalem kabadha’an sehat wal afiat.

Sholawat sareng salam malar moga tep-tepba dha’ ajunan epon Nabi Muhammad s.a.w tor jugan dha’ sadaja sana’ baraja, sahabad tor sadaja para pengikut epon.

Para rabu se badan kaule molja’agi,

Ngereng tareka e are mangken ka’ dhinto kabidi sareng pamaosan suratul fatihah se pahala tor ganjaran epon badhi eatoragi monggu dha’ ajunan epon nabi Muhammad s.a.w.

·      ‘Ala ..........

   

Bhapa’-ebu se badan kaule molja’agi, sateros epon enggi ka’dhinto sambutan se sa pesan se badi e dabuagi sareng bapak Kepala MTS raudhatut Tahlibin enggi ka’ dhinto Bapak Mohammad Nurul Hajar, S.Pd, ngereng e yatore…

Sateros epon enggi ka’dhinto pamanggi dhari pengasuh ponduk pesantren Raudhatut Thalibin se badi e terosagi sareng pamaosan du’a. Dha” salera epon se molja KH. Drs. Abdul Matin Hanafi, bakto ka ator….

·      Sa ka’dhinto pamanggi se ampon e dabu agi sareng pengasuh ponduk pesantren Raudhatut Thalibin, malar mandar badan kaule sareng para rabu sadaja kengenga manfaat dhari se ampon e yatoragi.

Bhapa’-ebu se badan kaule molja’agi, kadi ka’ dhinto sadaja rentengan tareka e are mangken. Badan kaule menangka pranata semo ngatoragi mator sakalangkong sareng nyo’ona sapora manabi badha pamator se korang sonduk dha’ para rabu sadaja.

Akhirul kalam, wassalamu ‘alaikum warahmatullahi wabarakatuh.